Нийгмийн эмзэг хэсэгт тусламж дэмжлэг үзүүлэгч “Батбаярын Номинчимэг” хүмүүнлэгийн сан SIMPLY брэндтэй хамтран Эх үрсийн баярыг тохиолдуулан өрх толгойлсон эхчүүддээ хүмүүнлэгийн тусламж үзүүллээ. “Эрүүл биед саруул ухаан оршино” гэж монгол ардын зүйр цэцэн үг бий. Энэхүү хүмүүнлэгийн үйл ажиллагаанд Эрүүл зүрхний төлөө – SIMPLY брэнд нийгмийн харицлагаа хэрэгжүүлж, амьдралын төлөө зүтгэж, олон хүүхдийг тэжээж яваа эдгээр өрх толгойлсон эхчүүддээ бүтэн жилийн хэрэглээний тосыг өргөн хэрэглээний хүнсний бүтээгдэхүүний хамт бэлэглэж байна. SIMPLY шар буурцагийн тос нь судасны хананд хуримтлагдсан өөх тосыг задалж, зүрхний үйл ажиллагааг хэвийн явуулахад нөлөөлөлдөг тул эхчүүддээ эрүүл энхийг хүсэж, эрүүл зүрхтэй байхын ерөөлийг дэвшүүлж байна. Мөн алдрай бяцхан үрсэд нь баярын амтат бэлгийг бэлэглэж, эх үрсийн баярыг улам өнгөлөг, гэгээтэй болголоо. Энэхүү хүмүүнлэгийн үйл ажиллагаанаас эхлэн “БАТБАЯРЫН Номинчимэг” сан Эрүүл зүрхний төлөө – SIMPLY брэндтэй хамтран тодорхой хугацааны давтамжтайгаар хүмүүнлэгийн үйл ажиллагааг зохион байгуулах гэж байна.

• Дэлгэрэнгүй

“БОСА Импекс” ХХК хүүхдүүдийн хичээлээс гадуур бие даан өөрийгөө хөгжүүлэх чадвар, танин мэдэх хүсэл эрмэлзлэл, албан бус боловсролыг дэмжих зорилготойгоор С1 ТВ-ийн “Унагалдайн мухлаг” нэвтрүүлэгтэй хамтран “Mr.Pop’s-ын ГАЙХАМШИГТ АЯЛАЛ” Зохиомжит үлгэрийн уралдааныг нийслэлийн цэцэрлэгүүдийн дунд зохион байгуулсан. Бид энэ уралдаанаараа гагцхүү хүүхдүүдээ бус мөн багш, цэцэрлэгийг нь урамшуулан шагнасан. “Хүүхдийн төлөө” гэсэн нэгэн сэтгэлтэй эрдэмтэн, багш нар болон цэцэрлэгийн бүх насны ангийн хүүхдүүд энэ уралдаанд идэвхитэй оролцсон. Зохиомжит үлгэрийн театрчилсан уралдаанд оролцохоор 50 цэцэрлэг бүртгүүлснээс 30-н 30 / 117, 65, 89, 73, 145, 108, 110, 143, Олуулаа, Мөрөөдлийн хотхон гэх мэт/ оролцож бичлэг хийлгэн “Унагалдайн мухлаг” нэвтрүүлгийн Үлгэрийн цаг булангаар 2011.04.15-05.25 хүртэл нэвтрүүлсэн. Уралдааны тэргүүн байрыг 117-р цэцэрлэг, дэд байрт Мөрөөдлийн хотхон цэцэрлэгүүд шалгарсан.

• Дэлгэрэнгүй

Дархан уул, Орхон аймгын төв талбай дээр Хүүхдийн эрхийг хамгаалах өдөр “Үлгэрийн баатруудын аялал” шоу арга хэмжээг “Хулан шоу энтертайнмент”-аас хамтран зохион байгуулж ивээн тэтгэгчээр оролцсон. Шоу арга хэмжээний үеэр 7 төрлийн тэмцээн уралдаан зохион байгуулагдсан бөгөөд хүүхэд бүрт баярын бэлэг гардуулсан.

• Дэлгэрэнгүй

С1 телевизийн Унагалдайн мухлаг нэвтрүүлэгтэй хамтран цэцэрлэг, сургуулийн насны хүүхдүүдийн танин мэдэхүй, хэлний мэдлэгийг хөгжүүлэх чиглэлээр 2010 оны 4-6 сарын хооронд 2 хугацаатай аян зохион байгуулж, хамтран ажилласан. Энэхүү ажлын хүрээнд Улаанбаатар хотын цэцэрлэгийн хүүхдүүдэд "Англи хэл сурцгаая" ном болон Mr Pop's модтой чихрийг нусны алчуурын хамт бэлэглэгсэн. Нийт 10 цэцэрлэгийн 200 гаруй хүүхэд энэхүү ажилд хамрагдсан. Мөн дүрэм, томъёо, түүх гэх мэт хичээлийн мэдээлэлтэй, хичээлийн хуваарь бичдэг номыг Улаанбаатар хотын Чингэлтэй дүүргийн 23,24,5, Сүхбаатар дүүргийн 1, Баянгол дүүргийн 93,96,13 зэрэг 10 гаруй сургуулийн 1-3-р ангийн 100 гаруй сурагчидад модтой чихрийн хамт бэлэглэсэн

• Дэлгэрэнгүй